Berriak

AZAROAK 15 | Eusko Legebiltzarra

Iñigo Iturrate: “Biktimei bidea ireki diegu gaur, aurrera egiteko egiarako, justiziarako eta erreparaziorako duten eskubideetan”

Jeltzaleek eta sozialistek poliziaren indarkeriaren biktimak erreparatzeko aurkeztutako erreforma legalak tramitatzeko oniritzia jaso du Eusko Legebiltzarraren osoko bilkuran. Legea beharrezkoa da eta ezin da atzeratu, biktima horiek eta euren familiek galdutako duintasuna berreskuratu dezaten. “Euskal erakundeok erantzun egiten dugu, giza eskubideen urraketekin Estatuak izandako utzikeriaren aurrean”, esan du Iturratek

AZAROAK 14 | Kongresua

Legardak Sanchezi eskatu dio Estatu kideetan espetxe zigorrak metatzearen inguruan EAJ-PNVk proposatu duen erreforma babestea, “Espainia EBko salbuespena izan ez dadin”

Diputatu jeltzaleak kritikatu duenez EBren barruan ebazpen judizialak aitortzearen inguruko Erabaki Markoan Espainian sartu diren “mugak“ Espainiako jurisprudentziak eta justiziak auzitan jarri dituzte eta Europako araua ezerezean utzi dute

AZAROAK 13 | Europako Legebiltzarra

Europako Parlamentuak ateak ireki dizkio nazio-gutxiengoak babesteko Europako bitartekaritzari

Europako Parlamentuko liberal eta demokraten taldeko presidenteorde Izaskun Bilbaok gaur babestu duen txostenak legeria loteslea proposatzen du nazio-gutxiengoak eta beren eskubideak esparru politikoan, hizkuntzen arloan, hezkuntzan eta nortasun esparruan babesteko

AZAROAK 13 | EBB

Ortuzar “benetan kezkatuta” Moncloak transferentzien negoziaketan erakutsi duen “gelditasunaren eta zorroztasun eta kariño faltaren aurrean”

Euzkadi Buru Batzarreko presidenteak “normaltasun instituzionalaren” barruan kokatu du bihar Urkullu Lehendakariaren eta Torra Presidentearen artean egingo den bilera

AZAROAK 12 | Eusko Legebiltzarra

Iñigo Iturrate: “Akordiorako prest gaude, baina eskumen- eta aurrekontu-esparruak errespetatuta. Ez da hori ematen ari”

Ordezkari jeltzaleak uste du Eusko Jaurlaritzaren egungo aurrekontu-proiektua “aurrekontu ona dela”, aurrekoa hobetzen duelako eta euskal herritarren arazo nagusiei aurre egiten dielako

AZAROAK 12 | Eusko Legebiltzarra

Kerman Orbegozo: “Etorkizuneko EEPak hobetzeko Osakidetzaren proposamena abiapuntu ona da guztiok hautaketa-sistemak eztabaidatu eta adosteko”

Osakidetzak txosten independente bat aurkeztu du Legebiltzarrean, aditu jurista batek egindakoa. Langileen hautaketa hobetzeko balizko neurri asko jaso ditu txostenak. Oinarri horrek balioko du eragile guztiek, legebiltzar-taldeek eta sindikatuek egungo hautaketa-prozesuaren erreformari buruz eztabaida eta gogoeta egiteko. EAJ-PNV Sailaren eta Osakidetzaren bidelagun izango da. “Elkarlanerako jarrera izango dugu”

AZAROAK 10 | EBB

Memoriaren Egunaren kariaz gaur egin diren ekitaldi guztietan izan da EAJ-PNV

Andoni Ortuzar EBBko presidentea Bilboko Casilda Iturrizar Parkean egin den ekitaldian izan da. Iñigo Urkullu Lehendakaria bi ekitalditan izan da, Eusko legebiltzarrak Vitoria-Gasteizen egin duen elkarretaratzean eta Donostiako Miramar Jauregian egindakoan

AZAROAK 09 | Berria

Mireia Zarate: “Argentina eta Uruguaiko euskal kolektibitatearekin egon ondoren,asko baloratzen dut gure nortasuna bultzatzen jarraitzeko daukaten konpromisoa”

Mireia Zarate EAJ-PNVren EBBko idazkariak eta Ana Esther Furundarena Hezkuntza, Euskara, Kirola eta Kultura gaietarako burukide arduradunak hamar eguneko egonaldia egin dute Argentina eta Uruguain, eta Mar del Platako Euskal Aste Nazionalean parte hartzeaz gain, herrialde hartako alderdikide eta alderdizaleekin izan dira eta batzarrak egin dituzte hainbat ordezkari politiko,akademiko eta kulturalekin

AZAROAK 08 | Bizkaia

EAJ-PNVk Unai Rementeria, Ana Otadui eta Juan Mari Aburto aukeratu ditu ahaldun nagusirako, Batzar Nagusietako presidenterako eta Bilboko Alkaterako hautagai, hurrenez hurren

Jeltzaleen Bizkaiko Herrialde Batzarrak Rementeria eta Otadui berraukeratu ditu, hurrenez hurren, Busturia-Uribe eta Durango-Arratia barrutietako zerrendaburu, eta Ibone Bengoetxea eta Imanol Pradales, hurrenez hurren, Bilbo eta Enkarterrietako zerrendaburu. Bilboko uri erakundeek, beren aldetik, Aburto berraukeratu dute Bilboko Alkatetzarako.

AZAROAK 06 | Eusko Jaurlaritza

Urkullu Lehendakaria Txileko Presidente Sebastián Piñerarekin batzartu da

Euskadik eta Txilek harremanak sendotuko dituzte industria, hezkuntza, nekazaritza, berdintasuna, lankidetza eta gobernatza arloetan

Ortuzarrek "boto baliagarriaren" iruzurraren aurrean ohartarazi du, PSOEk jende aurrean aitortu duelako EAJ-PNV dela Euskadiko aukerarik onena

Agirretxeak Irun-Brinkola aldiriko trenbidearen transferentzia eskatu du

EAJ-PNVK “Bizkaiko herri guztietako agendak” aldeztuko dituela esan du Itxaso Atutxak

BIDEOAK