Izaskun Bilbaok Estrasburgon babestu du gizarteratzeko errenta, Jose Antonio Agirrek Europara begira sustatu zuen eredu sozialaren “gaurko fruitu” gisa

Halaber, ordezkari jeltzaleak gogora ekarri ditu Jose Antonio Agirre Lehendakariak Europako proiektua diseinatzen zen bitartean bere dimentsio soziala defendatzerako orduan erakutsi zuen erabakimen eta irmotasuna. Horregatik esan du gutxieneko errenta sistemak proiektu haren fruitu direla eta Euskadiko Diru Sarrerak Bermatzeko Errenta aurkeztu du eredu gisa, 25 urtetan etengabe erakutsi duelarik gizarte bazterkeria eta marjinazioa borrokatzeko tresna egokia dela.

Euro Ganberak Estrasburgon hartu du gaur txirotasunaren eta gizarte bazterketaren kontrako sistema honi eta Europako Batasunaren oinarri sozialaren funtsezko elementuen katalogoan jaso beharrari buruzko eztabaida.

EAJ-PNVko eurodiputatuak azpimarratu duenez “Europa desegituratzen duten populismoen kontra eman daitekeen erantzunik onena da gure batasuna pertsonentzako proiektu erabilgarri bihurtzea. Pertsonak politika publikoen helburu bihurtzea”. Horrek derrigortzen du “oinarri soziala garatzera, hau da,gizarte bazterkeria arriskua borrokatzea eta gizarte kohesioari eustea”.