Europako Parlamentuko ALDE taldeko Presidenteordeak gogoratu du EB barruan legez onartuta dauden sistema biak euroganberak hainbatetan goraipatu dituela ehunka urtetan elkarbizitzan lagundu dutelako eta “Europako federalismoaren” adibide eredugarriak direlako.
Bilbaok berretsi du Ituna eta Hitzarmena eredugarriak direla “Konstituzio barruan dauden erantzukizun sistemak direlako, Gorte Nagusietan %90ak babesten dituelako, alde bakarreko arriskua inplikatzen dutekaji eta konstituzionalak, gardenak eta solidarioak izateaz gain argi geratu delako guztiz baliagarriak direla erregio baten autogobernuaren garapenerako”.
Eurodiputatu abertzaleak Batasuneko erakundeei eskatu die “Euskadiko Ekonomia Ituna eta Nafarroako Ekonomia Hitzarmena babestea”. Amaitzeko eskatu die eragotz dezatela “demagogiak, oportunismoak, nazionalismorik zaharkituenak eta arduragabekeriak erkidegoak elkarren kontra jartzea eta arazorik ez dagoen tokian gatazkak sortzea, Espainiako gobernuko presidenteak onartu berri duen bezala”.
